साते च्या सरपंचपदी आरती आगळमे
वडगाव मावळ :
साते ग्रामपंचायतच्या सरपंचपदी आरती सागर आगळमे यांची नुकतीच बिनविरोध निवड झाली.
ग्रामपंचायतचे मावळते सरपंच संतोष शिंदे यांनी पदाचा राजीनामा दिल्याने रिक्त झालेल्या सरपंच पदासाठी मंडल अधिकारी जगताप यांच्या मार्गदर्शनाखाली निवडणूक प्रक्रिया घेण्यात आली, सहाय्यक म्हणून ग्रामसेवक संतोष शिंदे यांनी काम पाहिले.
यावेळी सरपंच पदासाठी आगळमे यांचा एकमेव अर्ज आल्याने त्यांची बिनविरोध निवड झाल्याचे निवडणूक निर्णय अधिकारी जगताप यांनी जाहीर केले. याप्रसंगी उपसरपंच आम्रपाली मोरे, सखाराम काळोखे, गणेश बोऱ्हाडे, ऋषिनाथ आगळमे, संदीप शिंदे, उपसरपंच आम्रपाली मोरे, वर्षा नवघणे मीनाक्षी आगळमे ज्योती आगळमे, श्रुती मोहिते उपस्थित होते.
आगामी कार्यकाळात सरपंच म्हणून ग्रामपंचायत हद्दीतील साते, मोहितेवाडी, ब्राम्हणवाडी, विनोदेवाडी या सर्व गावांचा सर्वांगीण विकास करणार असल्याचे नवनिर्वाचित सरपंच आरती आगळमे यांनी सांगितले.
- राज्यातील सत्तांतर बदलाचे मावळात पडसाद:चिखलसेच्या सरपंच पदी सचिन काजळे
- दिवाळीनंतर शाळा कॉलेज भरणाच्या व सुटण्याच्या वेळेत लाल परी धावणार
- ए.सी.लोकल,मोनो, मॅट्रो रेल्वेला हवा लगेज डबा
- मामासाहेब खांडगे स्कूलमध्ये ‘भोंडला’ व दांडिया’ उत्सव उत्साहात साजरा
- शेतकरीहित आणि कल्याणकारी योजना शेतकऱ्यांपर्यंत: माऊली दाभाडे
