पवनानगर – काले पावनानगर ग्रामपंचायतीच्या उपसरपंचपदी श्री.अमित कुंभार यांची निवड करण्यात आली
काले ग्रामपंचायतीच्या उपसरपंच फुलाबाई कालेकर यांनी आपल्या पदाचा राजीनामा दिल्याने रिक्त झालेल्या जागेसाठी सरपंच खंडू कालेकर यांच्या अध्यक्षतेखाली निवडणूक घेण्यात आली यावेळी उपसरपंच पदासाठी अमित कुंभार व रंजना दत्तात्रय कालेकर यांनी उमेदवारी अर्ज दाखल केले होते. यामध्ये दोघांनाही पाच समान मते पडल्याने सरपंच खंडू कालेकर यांना एक मताचा अधिकार होता त्यांचा मतामुळे या अटीतटीच्या निवडणुकीत अमित कुंभार एका मताने विजय झाले.
यावेळी सरपंच खंडू कालेकर ग्रामपंचायत सदस्य फुलाबाई कालेकर, आशा प्रविण कालेकर, उत्तम चव्हाण यांनी अमित कुंभार यांच्या बाजूने मतदान केले तर रमेश कालेकर, योगिता मोहोळ, प्रविण घरदाळे, छाया कालेकर यांनी रंजना कालेकर यांच्या बाजूने मतदान केले या चुरशीच्या निवडणुकीत अमित कुंभार यांचा विजय झाला निवडणूक अधिकारी ग्रामसेवक रविंद्र वाडेकर यांनी काम पाहिले.
काले पवनानगर ग्रामपंचायत ही परिसरातील ४० गावची मुख्य बाजारपेठ असल्याने राजकीय दृष्ट्या ही ग्रामपंचायत महत्त्वाची मानली जाते त्यामुळे येथील प्रत्येक निवडणुकीकडे सर्वांचे लक्ष लागून राहिले होते
यावेळी मावळ तालुका रिपब्लिकन पक्षाचे अध्यक्ष लक्ष्मण भालेराव, माजी संदिप भूतडा, उपसरपंच किसन घरदाळे, बबन कालेकर, गणेश गावडे आदी उपस्थित होते
यावेळी निवडीनंतर बोलताना अमित कुंभार म्हणाले कि, गावाच्या विकासासाठी सर्व सदस्यांना एकत्र घेऊन जास्तीत जास्त निधी उपलब्ध करून गावचा विकास करण्यासाठी प्रयत्नशील राहणार आहे
निवडीनंतर ग्रामस्थांनी गुलाल भंडाराची उधळण करत आनंदोत्सव साजरा केला.
