बाल अभिनेता समर्थ जाधवची उत्तुंग भरारी: नगराध्यक्ष मयूर ढोरे यांनी केले घरी जावून अभिनंदन

ByMavalmitra

Jun 25, 2021

वडगाव मावळ:
येथील प्रभाग क्रमांक ६ मधील च्या मल्हार रेसीडेन्सी सोसायटीमध्ये राहणार्‍या समर्थ संजय जाधव याने मराठी चित्रपट सृष्टीत उत्तुंग गगनभरारी घेतली आहे. त्याने उत्कृष्ट अभिनेत्याचा किताब पटकावला आहे. त्याच्या फिरस्त्या या मराठी चित्रपटातील अभिनया बद्दल समर्थला हा पुरस्कार जाहीर झाला. वडगावचे प्रथम नागरिक नगराध्यक्ष मयूरद ढोरे यांनी त्यांच्या घरी जाऊन अभिनंदन केले आणि पुढील वाटचालीस शुभेच्छा दिल्या.
समर्थ याने मराठी चित्रपट सृष्टीत आंनदीगोपाळ, फिरस्त्या, बळी, काॅलेज डायरी, सरकारमान्य या चित्रपट व्यतिरिक्त मराठी लघुपट, वेबसिरीज, जाहीरात आदी क्षेत्रात उल्लेखनीय कामगिरी केली आहे.
मराठी चित्रपट फिरस्त्या हा प्रदर्शित होण्यापूर्वीच भारत, अमेरिका, रशिया, इंग्लंड, जपान, फ्रान्स, स्वीडन, सिंगापूर या आदी अकरा देशांमधील २४ इंटरनॅशनल फिल्म फेस्टिव्हलमध्ये एकूण ५३ पुरस्कार मिळविले आहेत.
यात सर्वोत्कृष्ट अभिनेता म्हणून वडगाव शहरातील समर्थ जाधव याची निवड जाहीर झाली आहे.
या प्रदर्शित होणार्‍या चित्रपटात मुख्य भूमिकेत असणारा कु.समर्थ जाधव यांचे कुटुंबीय मूळचे मळोली, माळशिरस येथील असून खूप हलाकीच्या परिस्थितीत दिवस काढत आपल्या मुलांचे दैनंदिन जीवनमान उंचावण्यासाठी उद्योग व्यवसायाचे निमित्ताने वडगाव शहरात वास्तव्यास आहेत.
लहानपणापासून अभिनयाची आवड असलेला समर्थ हा तीन वर्षांपासून अभिनय क्षेत्रातील मार्गदर्शक प्रवीणजी भारदे यांच्या कार्यशाळेत प्रशिक्षण घेतले आहे. याव्यतिरिक्तत त्याचे आई-वडील, बहिण तसेच संपूर्ण जाधव कुटुंबीय तितक्याच उत्साहाने त्याला मार्गदर्शन करत असतात.
कोरोनाचा काळ संपल्यानंतर हे मराठी चित्रपट प्रदर्शित होणार आहेत तरी आपण सर्वांनी बहुसंख्येने समर्थ यास सपोर्ट करत हा चित्रपट आवश्य पाहावा,असे आवाहन नगराध्यक्ष मयूर ढोरे यांनी केले.