मोरया ढोल पथक व मोरया महिला प्रतिष्ठानच्या वतीने स्वातंत्र्याचा अमृतमहोत्सव उत्साहात

ByMavalmitra

Aug 18, 2022

वडगाव मावळ:
मोरया ढोल पथक व मोरया महिला प्रतिष्ठानच्या वतीने भारतीय स्वातंत्र्याचा अमृत महोत्सव म्हणजेच ७५ वा वर्धापनदिन मोठ्या उत्साहात साजरा करण्यात आला.
पंचायत समिती चौक ते श्री पोटोबा महाराज मंदिर पर्यंत भारतमातेची भव्य मिरवणूक काढण्यात आली तसेच मोरया ढोल पथकाने वादनाचे प्रात्यक्षिक दाखवले आणि मोरया महिला प्रतिष्ठानच्या वतीने देशभक्तीपर कलेचे सादरीकरण करत भारताचा नकाशा हुबेहूब पूर्ण करून आपल्या देशाप्रती असलेली देशभक्तीचे सादरीकरण केले.
नगराध्यक्ष मयुरदादा ढोरे यांच्या संकल्पनेतून नगरपंचायत अधिकारी व कर्मचारी यांनी सुमारे पाचशे फूट लांबीचा तिरंगा ध्वज मिरवणुकीत अग्रस्थानी सामील होता.
यावेळी माजी महसूल राज्यमंत्री मदन बाफना, आमदार सुनिल आण्णा शेळके, तालुकाध्यक्ष गणेश खांडगे, मा तालुकाध्यक्ष बाळासाहेब ढोरे, उपनगराध्यक्ष राजेंद्र कुडे, नगराध्यक्ष मयुरदादा ढोरे, मोरया महिला प्रतिष्ठान अध्यक्ष अबोली ढोरे, कार्याध्यक्षा चेतना ढोरे, नगरसेविका पुनम जाधव, उपाध्यक्षा प्रतिक्षा गट, वडगाव नगरपंचायत नगरसेवक, नगरसेविका आणि वडगाव शहरातील राष्ट्रवादी काँग्रेस पक्षाचे आजी माजी पदाधिकारी, कार्यकर्ते आणि वडगाव शहरातील नागरिक अमृत महोत्सवी मिरवणुकीत मोठ्या संख्येने उपस्थित होते.
गेल्या पंधरा दिवसांपासून मोरया महिला प्रतिष्ठान च्या अध्यक्षा, कार्याध्यक्षा, उपाध्यक्षा, संचालिका आणि सर्व सदस्या यांनी आपल्या देशाचा अमृत महोत्सवी हा कार्यक्रम यशस्वी करण्यासाठी खूप सारी मेहनत घेऊन सदरचा कार्यक्रम यशस्वीपणे पूर्ण केल्याबद्दल नगराध्यक्ष मयुर ढोरे यांनी सर्व महिला भगिनींचे तसेच मोरया ढोल पथकातील सर्व सभासदांचे आभार व्यक्त करत कौतुक केले.