कोथुर्णे मावळ येथील पिडीत कुटुंबीयांची न्यायालयीन लढ्यासाठी स्व.पै.केशवराव ढोरे प्रतिष्ठान सामुदायिक विवाह सोहळा समितीच्या वतीने २५ हजार रुपयांची मदत

ByMavalmitra

Aug 7, 2022

वडगाव मावळ:
कोथुर्णे मावळ येथील पीडित कुटुंबीयांची भेट घेऊन न्यायालयीन लढ्यासाठी मदत नव्हे कर्तव्याच्या जाणिवेतून एक हात मदतीचा म्हणून वडगाव येथील स्व.पै.केशवराव ढोरे प्रतिष्ठान सामुदायिक विवाह सोहळा समितीच्या वतीने रोख रक्कम २५ हजार रुपयांची मदत देण्यात आली.
यावेळी प्रतिष्ठानचे अध्यक्ष पंढरीनाथ ढोरे, सामुदायिक विवाह सोहळा समितीचे अध्यक्ष सुनील शिंदे, प्रतिष्ठानचे पदाधिकारी राजेंद्र वहिले, अर्जुन ढोरे, विलास दंडेल, गणेश विनोदे, अनिल कोद्रे, अतुल राऊत, मंगेश खैरे, अविनाश कुडे, गणेश पं.ढोरे, शंकर ढोरे, अनिकेत भगत, अक्षय बेल्हेकर, विनायक लवंगारे, गणेश झरेकर, विकास कदम, दर्शन वाळुंज उपस्थित होते.
या दुर्दैवी घटनेमुळे स्वराच्या कुटुंबीयांवर आलेले दुःख हे फक्त त्यांच्या पुरते नाही तर आज समाजातील प्रत्येक कुटुंबाला हे दुःख झाले आहे. सांत्वन करणे, मानसिक आधार देणे हे आपले कर्तव्यचआहे, पण स्वराला न्याय मिळण्यासाठी आवश्यक असलेल्या न्यायालयीन लढ्यासाठी मदत नव्हे कर्तव्य या जाणिवेतून म्हणून मदत देण्यात आली असल्याचे पंढरीनाथ ढोरे यांनी सांगितले.