रस्त्यावर गतीरोधक करण्यासाठी भाजपा-युवा मोर्चाची नगरपंचायतकडे मागणी
वडगाव मावळ:
येथील माळीनगर भागांतर्गत नव्याने झालेले रस्त्याचे रुंदीकरण व कॉंक्रीटीकरण यामुळे या रस्त्यावरून ये-जा करणारे सर्व प्रकारचे वाहनचालक सुसाट वेगाने वाहने चालवत असतात.तसेच या रस्त्यावरून पादचाऱ्यांचीही ये-जा चालू असते आणि रस्त्यालगत अनेक स्थानिक लहान मुले खेळत असतात.
सुसाट वेगाने वाहने चालवत असताना मागील काही दिवसांत या रस्त्यावर अपघाताचे प्रकार घडले आहेत.परंतु सुसाट वेगवान वाहनांमुळे येथे भविष्यातही जीवघेणे अपघात घडू शकतात.हे संभाव्य अपघात टाळण्यासाठी या रस्त्यावर गरजेच्या ठिकाणी गतीरोधक असणे गरजेचे असून लवकरात लवकर गतीरोधकाचे काम पुर्ण करावे अशी मागणी निवेदनाद्वारे भाजपा-युवा मोर्चाने स्थानिक नागरीकांच्या स्वाक्षरीसह नगरपंचायकडे केली आहे.
यावेळी भाजपाचे शहराध्यक्ष अनंता कुडे,युवा मोर्चा अध्यक्ष विनायक भेगडे,प्रमोद म्हाळसकर,विराज हिंगे,समीर गुरव,कल्पेश भोंडवे,गणेश भिलारे शेखर वहिले ,गोकुळ काकडे ,कुलदीप ढोरे,सूर्यकांत भिलारे,आदी उपस्थित होते.
- मामासाहेब खांडगे विद्यालयात राष्ट्रपिता महात्मा गांधी, स्व. लाल बहादूर शास्त्री जयंती उत्साहात साजरी
- उकसान पठार वरील आखाडे वस्ती येथील नागरिकांची नवीन ट्रान्सफॉर्मर द्यावा
- धर्मवीर संभाजी नागरी पतसंस्थेचा नफा ६४ लाख
- गोल्डन ग्लेडस च्या माजी विद्यार्थ्यांचा स्नेहमेळावा
- गावचे गावपण जपा आणि विकास साधा: आमदार सुनिल शेळके
