धार्मिक

टाकवे बुद्रुक येथील श्री भैरवनाथ मंदिर व शितळादेवी मंदिरामध्ये घटस्थापना संपन्न

ByMavalmitra

Oct 8, 2021

टाकवे बुद्रुक: भाविकांचे श्रद्धास्थान असलेल्या टाकवे गावचे ग्रामदैवत श्री भैरवनाथ, शितळादेवी, मरीमाता मंदिरामध्ये आदिशक्तीच्या नवरात्रोत्सवास,घटस्थापना करून सुरवात करण्या आली. कोरोना महामारी आटोक्यात येत असताना, शासनाने दिलेल्या आदेशानुसार मंदिरे पुर्णवेळ उघडल्यामुळे भाविकांना जवळून दर्शन घेण्याचा लाभ मिळाला ,राज्य सरकार व पोलिस प्रशासन यांनी घालून दिलेले आदेश व सूचनांचे पालन करत असताना मंदिर प्रवेश द्वाराजवळ सॅनिटाईझर स्टँडची व्यवस्था करण्यात आली होती. सर्व मंदिरामधील पुर्व परंपरा जपत असताना आंदर मावळ पंचकृषितील (आजूबाजूच्या)गावांमधील, फळने येथील भैरवनाथ मंदिर शितळा माता देवी मंदिर, डोंगरवाडी येथील सटवाई माता, वाहनगाव येथील अंजनी माता मंदिर अशा आंदर मावळ मधील अनेक ठिकाणी भाविक,भक्तगण मंदिर मध्ये धान्य घेण्यासाठी गर्दी करत असतात, व ते धान्य घेऊनच आपापल्या गावात व घरातील घटस्थापना विधी करत असतात. यावेळी देवस्थानचे पुजारी रामभाऊ गुनाट,ह.भ.प.सोपान गुनाट, मदन पिंगळे, शांताराम असवले, प्रकाश कोंडे, पोलीस पाटील अतुल असवले,रामनाथ असवले, बाळू घोजगे,ह.भ.प.देवराम असवले, राजू असवले, अर्जुन गुनाट
व आदि ग्रामस्थ मोठ्या संख्येने उपस्थित होते.

• हिंदवी स्वराज्य प्रतिष्ठाण मावळ व पोलीस फ्रेन्ड्स वेलफेअर असोसिएशनच्या वतीने शैक्षणिक साहित्य वाटप
• सफर 361 किल्लांची ग्रुपकडून ढाक गडावर स्वछता मोहीम
  पाण्याच्या टाकीला मारले जाळे स्वछता राखण्याचे केले आवाहन
• भराव खचल्याने ढंपर उलटल्याची घटना
• साते येथील कंपनीत अडकलेल्या भेकरास वन्यजीवरक्षक संस्थेकडून जीवदान
• सावित्रीच्या लेकीची पायपीट थांबविण्यासाठी करंजगावात सायकल वाटप